**哭**

昨天我又再一次情緒激動、失控...

人物：我、H先生、M小姐、A小姐

前因：中心要寄通訊，而原本負責的同事剛剛調了職，新接手同事M小姐又放了幾天假，A小姐叫我先預計人數名單再叫H先生買郵票

經過：昨天我返夜，下午返到中心，同事H先生就走來話我說：「你又話要XXX個郵票，宜家M小姐話要XXXX個！你o地冇溝通o架咩！宜家買少咗喇！」我立即拍枱說：「M小姐放咗幾日假唔o係度，我可以同邊個溝通呀？！原本就唔關我事！我都係臨時幫手做o架咋！」當下那刻我自覺受到委屈(被人屈)，所以就開始眼濕濕了...情緒激動時我一定要用哭來發洩，所以我就走入了洗手間哭...幾分鐘平靜後才出來。怎知M小姐突然走來跟我再說H先生的惡行，當下我又再一次情緒失控，今次沒有再走入洗手間了，我直接在座位上、在M小姐及A小姐前大哭...我很久沒有在人前大哭了，當時我真的哭到"扯晒蝦"，還要用多些時間才平靜到情緒止住眼淚...

之後我越想越嬲！買少了再買過便是了，又不是買多了用多了錢！最嬲是我之前曾問過H先生之前負責的同事買開幾多郵票，但他又沒有答我！！！現在買少了就來話我！

 

至於H先生的惡行何止這麼少！

試過幾次有電話找我，H先生叫我過去聽，我去到後問是那部電話(因為4-5個座位都有電話)，但H先生完全不理睬我，我只能自己逐個位去看！

又有幾次有人送貨來，要H先生簽署收貨，我已蓋好印只久H先生簽署，我叫H先生簽名，但我站在他旁邊很久，他仍然是完全當我透明！我叫了他幾次，他仍然不理睬我！最後我唯有求其打個叉叉就算...

還有一次farewell某同事，請食飯及送禮物，我們都一齊夾份。呀Lam好人先幫H先生及Y小姐先付錢，之後再問回他們拿錢。雖然這次比較貴，但Y小姐聽到金額便立即付錢，但H先生竟然話點解這麼貴，而且拒絕付錢！

真的什麼人都有！以前H先生不是這樣的！但他近半年好像鬼上身一樣，變了另一個人，而且還得罪了好幾個人！

 

可能有人會話我為何少少事都會哭，真無用！
但我真的很眼淺！而且我忍不到眼淚，只要情緒激動、自認為受委屈、難過...都會哭
我承認我EQ低，但我想應該都沒有什麼辦法可以提高EQ...

 

我記得以前有個廣告內容是這樣說的：「喊，其實對身體好o架。當一個人傷心，腦部ge自主神經就會指示淚線，加速分泌眼淚，緩和激動情緒。所以要喊就喊，唔會死頂呀！」
我覺得說得很對呢！