小花聚會‧大尾篤BBQ

**2013年11月11日(一) 下午3:58**

 上星期六(9/11)又舉行小花聚會~
今次是去大尾篤BBQ~ 

當日我和安安要返工，我放工後約呀敏齊齊搭巴士轉火車去大埔，之後再join琼及安搭小巴去大尾篤燒烤王BBQ~ 

我第一次去這種BBQ，入場先付款每人$90+開爐$40，我們4人平均每人都是$100，抵！

入到去有少少雨粉，搵到個有瓦遮頭的爐，但又覺得焗+熱，再搵另一個地方，但太近舞台了，有人唱歌走晒音，嘈都不要緊，但真的是很難聽呀=0=，最後搵到個開揚兼遠離嘈音的位置~~ 

每人包飲品一種，食物任燒，但只限指定食物。我們拿了一盆就夠了，有腸仔、丸類、扒類、雞翼、魷魚、麵包等。 

一開始當然是燒腸仔和丸，快熟快食，之後才開始燒豬扒雞翼。其實我不太喜歡BBQ的，因為我嫌耐怕熱及食得”呢hea”，我一邊食，頭髮跟著一齊食=.=太大風了，但偶然一次BBQ其實又不錯的~ 

我食到差不多才開始幫大家拍照，因為食的過程實在是太”呢hea”了，就算想影相都沒有手拿相機呢.. 由於那裏都幾太風，我隻紙碟吹跌了一次，膠叉更吹跌了兩次。個個吹到成個傻婆一樣，而我最慘因為gel了頭不能梳頭> < 

要數這裏最差就是隻叉，安安叉豬扒一叉就斷晒，而我及敏都是斷剩一條骨，琼最後亦都不能幸免…. 

我們由8:00pm燒到約11:00pm，走時剛剛送車尾，要等20mins，人龍越等越多人，中途不停有人截的士，人多到巴士都不夠上，最後我和琼在大埔中心落車轉巴士回家，安和敏搭火車返家 

PS：
1. 11月9日是敏敏的生日，第N次再說：「生日快樂！！！」
 2. 今次聚會又是幾番波折的，一開始是BBQ，但有人嫌遠，那改去食韓國菜，但又有人嫌貴，最後才變回BBQ..
3. 原本今次是約了上次在bar認識的金先生一齊BBQ的，但最後因為他有事不能出席..
4. BBQ後第二日，我隻左眼生”眼挑針，腫了=.= 是熱氣還是吹了一些東西入去引致發炎…